Слатки соништа

Добриот ноќен одмор е важен за општата благосостојба и виталност. Научно е докажано дека долгорочните нарушувања на сонот можат да доведат до здравствени проблеми. Еве неколку совети како подобро да спиете.

Не користете таблет, лаптоп или телефон во леглото

Многу научни истражувања докажуваат дека сината светлина од современите електронски уреди како таблети и телефони нѐ расонува, бидејќи ги потиснува нивоата на мелатонинот кои се поврзуваат со добриот сон. Наместо пред легнување да ги проверувате мејловите или да пребарувате на социјалните мрежи, читајте книга во печатена форма или уште подобро не правете ништо, за да му дозволите на умот да се смири.

Температура

Климата во спалната може да има сериозно влијание на квалитетот на сонот. Додека спиете, телесната температура ви опаѓа до најниските нивоа, што обично се случува околу 3–4 часа по заспивањето. Затоа, одржувањето на спалната соба ладна може да ви донесе поздрав сон. Високата температура во спалната спречува телесната температура да се намали и да се активира „програмата за сон“ во организмот. По можност, оставајте отворен прозорец ноќе и во ладните месеци исклучувајте секакво греење во спалната, а во жешките денови разладете ја пред да си легнете.

Удобен кревет

Колку е стар вашиот душек? Веќе не можете да се сетите? Тогаш е време да инвестирате во нов! Лошите душеци или спиењето на софа на расклопување наместо на нормален кревет не се причина само за ноќи со немирен сон, туку можат да предизвикаат и проблеми со грбот, половината и вратот. Стариот душек дури може да предизвика и алергии. Ако решите да купите нов, не наседнувајте на заблудата дека помекото е поудобно. Душекот треба да е доволно тврд за да го поддржи вашиот грб додека спиете, но не да ви е неудобен. Менувајте го на секои 7–8 години.

Избегнувајте кофеин и алкохол

Очигледно е дека треба да избегнуваме кофеин доцна попладне и навечер ако имаме проблеми со сонот, но што е со алкохолот? Можеби изгледа дека чаша-две вино можат да нѝ помогнат да заспиме, но всушност е точно спротивното. Според различни истражувања, иако може полесно да заспиеме откако ќе пиеме, алкохолот го нарушува природниот циклус на сонот. Вообичаено во ноќта човек има шест или седум фази на сон со брзи движења на очите (REM сон), кои му помагаат да се чувствува одморен и освежен кога ќе се разбуди. Ако пиел алкохол, бројот на овие фази се намалува на една-две, што значи дека следното утро ќе се чувствува исцрпено. Наместо чаша вино навечер, изберете чаша АЛОЕ ПИЈАЛАК наутро, ве уверуваме дека ќе се чувствувате далеку повитални во текот на целиот ден!

Редовно движење

Не е тајна дека редовното движење е корисно, но има и податоци дека тоа може да го подобрува и сонот. Истражување објавено во списанието „Ментално здравје и физичка активност“ открива дека луѓето спијат значително подобро ноќе и се чувствуваат побудни дење ако спортуваат најмалку по 150 минути неделно. Програмите F15 Програмите F15 на Форевер се одлична варијанта да се движите редовно според личното фитнес ниво. Разгледајте ги и изберете ја најсоодветната за вас, за да сте во форма преку денот и да спиете добро преку ноќ.